Россия президенти Владимир Путин тўғридан-тўғри мулоқот чоғида «Панама архиви»даги офшорлар ҳақидаги маълумот ҳаққоний эканлигини маълум қилди. Бу ҳақда Meduza хабар бермоқда.
Шу билан бирга, Путин офшорлар ҳақидаги текширувлар муаллифлари ҳеч кимни бевосита айбламай, «коса тагидаги нимкоса» қабилида иш юритаётганлигини билдирди. Унинг айтишича, текширувларни журналистлар эмас, юристлар олиб борган.
Давлат раҳбари офшорлар ҳақидаги ҳужжатларнинг эълон қилинишига АҚШ расмий муассасалари ходимлари алоқадор эканлиги, номаълум манба «Панама архиви» материалларини етказган Германиянинг Süddeutsche Zeitung нашри америкаликлар бошқарадиган медиахолдинг таркибига киришини таъкидлади. Бунга Путин «Ҳамма жойдан буюртмачининг қулоғи кўриниб турибди», дея изоҳ берди.
Маълумот учун, «Панама архиви» ҳужжатларида Путиннинг дўсти, виолончелчи Сергей Ролдугин бир неча миллиард доллар айланмага эга офшорларни 2015 йилга қадар бошқаргани ҳақида сўз боради. Мулоқот давомида президент дўсти барча маблағларни мусиқа асбоб-анжомлари сотиб олишга сарфлаганини маълум қилди.
Изоҳ (0)