Панама президенти Хуан Карлос Варела ўз ҳудудидаги офшорлар фаолияти билан боғлиқ можаро марказида қолган мамлакатининг обрўсини ҳимоя қилмоқчи. Бу ҳақда давлат раҳбари Ғарбий Панама провинциясидаги Эль-Коко тумани аҳолиси билан учрашувда маълум қилди, деб ёзади «ТАСС».
«Мен Панамага қарши гапирадиган ҳар қандай кишига қарши қатъий ва қаттиқ туриб курашаман», — дея таъкидлади Варела. Яқин орада у мамлакатда аккредитациядан ўтган дипломатик корпус вакиллари билан учрашиб, улар билан юзага келган вазиятни муҳокама қилишини айтди.
Президент сўзларига кўра, Панама ҳукумати маҳаллий ва чет эллик экспертлардан комиссия тузади, у мамлакатнинг молиявий сиёсатини баҳолайди.
Эслатиб ўтамиз, Mossack Fonseca компанияси маълумотлар базасидан ахборот чиқиб кетиши натижасида ОАВларда қатор дунё етакчилари ва уларнинг яқинлари пул ювиш ва солиқлардан бош тортиш бўйича схемаларга алоқадорлиги ҳақида маълумот пайдо бўлган эди.
Изоҳ (0)