Facebook Inc.’га тегишли оммабоп WhatsApp мессенжери хабарларнинг барча турлари, жумладан, гуруҳ суҳбатларига икки томони очиқ шифр (End-to-End Encryption, маълумотларни узатишнинг шундай усулики, унда хабарларни мулоқотга киришган фойдаланувчиларгина ўқий олади) жорий қилди, деб ёзади «Интерфакс».
Икки томони очиқ шифр барча хабарлар, жумладан, матнли ва овозли хабарлар, шунингдек, фотосуратлар, видеороликлар ва бошқа файлларни фойдаланувчи қурилмасидан жўнатишда автоматик равишда шифрлайди.
«Сиз хабарни жўнатасиз, ва уни ўқиши мумкин бўлган ягона киши — сиз хабарни юборган одам. На кибержиноятчилар, на хакерлар ва на бизнинг компаниямиз хабарингизнинг мазмунини била олади», — дейилади компания блогида.
Янгилик барча фойдаланувчилар учун мессенжер сўнгги версиягача янгилангач, очиқ бўлади ва қўшимча созлашларни талаб қилмайди.
Изоҳ (0)