Google компанияси 1 апрель куни ўз фойдаланувчилари билан ҳазиллашишга қарор қилди ва Gmail интерфейсига Mic Drop тугмасини қўшди. У босилганида, суҳбатдош билан ёзишмаларнинг барчаси блокланиб қолади. Ушбу ҳазил бир неча кишининг ишсиз қолишига сабаб бўлиши мумкин, деб ёзади «Hi-tech.mail.ru».
Нашр аниқлик киритишича, «Жўнатиш» тугмаси ёнида пайдо бўлган ҳазиломуз, аммо ишлайдиган Mic Drop тугмаси босилганида, хат сариқ Миньоннинг GIF-тасвири илова қилинган ҳолда жўнатилган, суҳбатни давом эттириш эса мумкин бўлмай қолган, у блокланиб қолган.
Google’нинг беғараз бўлиб туюлган ҳазили баъзи фойдаланувчилар учун ишдан айрилиш эҳтимолини келтириб чиқарди. Кун давомида компанияга шикоятлар келиб туша бошлади, уларда фойдаланувчилар ҳазил туфайли, ўз суҳбатдошининг жавоб хатини қабул қила олмаётгани айтилди. Фойдаланувчилардан бири потенциал иш берувчига хат жўнатган, аммо энди у ушбу ҳазилни деб, лавозимни қўлга кирита олмаслиги мумкин. Google шундан сўнг, нохуш ҳазилни ўчириб қўйишга мажбур бўлди.
Изоҳ (0)