2011—2016 йиллар давомида Мьянмани бошқарган ва ваколат муддати шу йил март ойида якунига етган собиқ президент Тейн Сейн мамлакатнинг марказий қисми, Мандалай шаҳри яқинида жойлашган Дхамма Дипа буддавий ибодатхонасига кетди. Бу ҳақда Мьянма ахборот вазирлиги маълум қилди, дея хабар беради «ТАСС».
Вазирликда билдирилишича, 70 ёшли генерални роҳибликка қабул қилиш маросими 4 апрель, душанба куни бўлиб ўтган. Диний хизмат узоқ муддатга чўзилмайди: собиқ президент ибодатхонада беш кун бўлгач, одатий ҳаёт тарзига қайтади.
Ибодатхонага кетиш таклифи Сейнга бир неча ой аввал, Бутундунё буддавийлар анжуманида билдирилганди. Мьянманинг энг нуфузли роҳибларидан бири Ситагу унга жамоага қўшилишни таклиф этган, Сейн эса ўз ишида жуда банд эканлиги, бироқ президентлик муддати якунлангач, мазкур маросимни ўташга тайёр эканлигини маълум қилганди.
Изоҳ (0)