Хитойда темир йўллар қурилиши учун 2016 йилда 800 миллиард юандан зиёд (124 миллиард доллар атрофида) маблағ инвестиция қилиниши режалаштирилмоқда. Бу ҳақда мамлакат Давлат кенгаши вице-премьери Ма Кай маълум қилди, дея хабар беради «Интерфакс».
Вице-премьернинг билдиришича, 2015 йилда мамлакатда фаолият кўрсатаётган темир йўлларнинг умумий узунлиги 121 минг километрга (жумладан, 19 минг километр тезкор темир йўллар) етган. Соҳага киритилган инвестициялар 820 миллиард юанни ташкил этган ва бунинг натижасида 9 минг километрдан зиёд темир йўл фойдаланишга топширилган.
2016 йилда асосий эътибор тезкор темир йўллар тармоғини мукаммаллаштириш, шаҳар ва шаҳарчалар ўртасида янги темир йўллар қурилиши, юк темир йўллари тармоғини шакллантиришни тезлаштириш ва темир йўллардан фойдаланиш даражасини оширишга қаратилиши билдирилмоқда.
Изоҳ (0)