Тунислик кўча мусаввири eL Seed Миср пойтахти Қоҳирадаги салкам элликта бинони шундай бўяб чиқдики, ҳар бир бинода суратнинг бир қисми чизилган, якуний умумий манзарани эса фақат тепаликнинг маълум бир нуқтасида туриб кузатиш мумкин. Бу ҳақда TJournal ҳикоя қилди.
Граффитининг яратиш учун беш ҳафтага яқин вақт кетди. «Қабул қилиш» дея ном олган сурат қоҳиралик чиқинди йиғувчиларга бағишланган бўлиб, уларнинг аксарияти eL Seed томонидан бўялган биноларда истиқомат қилади ва анъанавий равишда жамиятнинг паст табақаси саналади.
«Коптларнинг Zaraeeb жамоаси неча йиллардан бери шаҳар чиқиндисини йиғиштиради, улар чиқиндини қайта ишлашнинг самарали ва даромадли тизимини ишлаб чиққан. Шундай бўлса-да, уларни тубан ва паст табақа ҳисоблашади. Ушбу жамоага ёруғлик олиб кириш ниятида уларнинг ёрдамида салкам 50 та бинони қамраб олувчи ва фақат маълум бир нуқтадан кўринувчи суратни яратдим», — дея таъкидлайди eL Seed.
Изоҳ (0)