Робот Россияда биринчи марта муваффақиятли трансплантацияни амалга оширди

Кубанда робот иштирокида буйрак кўчириб ўтказиш бўйича Россиядаги биринчи операция бўлиб ўтди, деб ёзади «Hi-tech.mail.ru». У етти соат давом этди ва муваффақиятли якунланди.

Махсус роботлаштирилган тизим — Da Vinci жарроҳга микроскопик аниқлик талаб қилинадиган энг мураккаб операцияларни ўтказишда ёрдам беради. Қурилма икки қисмдан иборат: тўрт қўлли робот ва шифокорнинг иш ўрни. У жойстиклар ёрдамида роботнинг механик қўлларини бошқаради, улардан бирига камера ўрнатилган. Ундан жарроҳнинг мониторига операция столининг 3D-тасвири узатилади.

Da Vinci Кубанда 2014 йил охиридан бери қўлланиб келинади. Робот ёрдамида амалга оширилган Россиядаги биринчи буйрак кўчириб ўтказиш операцияси, шифокорлар сўзларига кўра, муваффақиятли кечди.

Бемор аёл кўп йиллардан буён буйрак фаолиятидаги сурункали етишмовчиликдан азоб чеккан. Энди у ҳафтасига 15 соат давом этган гемодилиз процедурасидан ўтишига ҳожат қолмайди.