Ҳаётда муваффақиятга эришган кўплаб инсонлар эрта туришни одат қилган. Улар ҳамкасблари ва рақибларига нисбатан кунни эртароқ бошлаш, кўпроқ ишлаш, шу билан бирга, шахсий ҳаёт учун ҳам вақт қолдиришни истайди, дея ҳикоя қилади Lifehacker.
Дэн Акерсон, General Motors раҳбари
Акерсоннинг айтишича, камдан-кам 4:30—5:00 дан кеч туради. Саҳарлаб уларда жуда кеч бўлиб кетмаслиги учун GM’нинг Осиёдаги ваколатхонасига қўнғироқ қилиши лозим. У ўзининг ҳозирги ишини мураккаб, қизиқарли ва ўзига тортувчи деб билади. Баъзан ҳатто туни билан ухламаслигига ҳам тўғри келади. Яхшики, бу тунлар унчалик узун ҳам эмас.
Тим Кук, Apple бош директори
Тим Кук 4:30 туради ва дастлаб почтани кўради. Соат бешда уни тренажёр залидан топиш мумкин. У офисга биринчи бўлиб келиб, охири кетишидан фахрланади.
Стив Мёрфи, Christie’s раҳбари
Rodale нашриётининг собиқ раҳбари шоир Уильям Блейкнинг қуйидаги сатрларидан илҳомланади: «Эрталаб ўйла, кундузи ҳаракат қил, кечки пайт ўқи ва тунда ухла». Шу иборани ўқиганидан бери унинг ҳаёти буткул ўзгарди. Мёрфининг айтишича, эрталабки мушоҳадалар уни стратегик фикрлаш ва фаол бўлишга ундайди.
Роберт Айгер, Disney бош директори
Айгер соат 4:30 да туради ва тонгги вақтини газета ўқиш, спорт билан шуғулланиш, мусиқа тинглаш, электрон почтани текшириш ва телевизор кўришга сарфлайди. У юқоридаги ишларнинг барини деярли бир вақтда қилади.
Хейм Сэбэн, Saban Capital раҳбари
Асли мисрлик бўлган миллиардер Хейм Сэбэн 6:02да бир финжон қаҳва ичади. Сўнг бир соат ишлайди, кейин эса 75 дақиқа бадантарбия қилади. Шундан сўнггина унинг куни бошланади.
Падмашри Уорриор, Cisco техник директори
Падмашри Уорриор 4:30 да уйғониб, бир соатни почта билан танишишга ажратади. Кейин янгиликларни ўқийди ва ўғлини мактабга тайёрлайди. 20:30 да ҳам уни офисдан топасиз. Аввал у Motorola техник директори лавозимини эгаллаган ва бизнесдаги энг муваффақиятли аёллардан бири деб топилганди.
Андреа Янг, Avon Products раҳбари
Андреа Янг 5:00 да туради ва спорт залига жўнайди, соат саккизда эса иш жойида бўлади.
Ховард Шульц, Starbucks бош директори
Шульц кунни бадантарбиядан бошлайди, одатда бу рафиқаси билан велосипедда сайрдан иборат. Шунга қарамай, эрталабки олтидаёқ офисга келади. Starbucks президенти Мишель Гасс ҳар куни 4:30 туради ва югуради. 15 йилдан бери шу аҳвол. Балки ҳамма гап кофедадир?
Катта ва кичик Жорж Буш, АҚШнинг собиқ президентлари
Катта Жорж Буш соат тўртда туриб, югуриш билан машғул бўлар, олтида офисга келиб, тунги иккигача қолиб кетарди. Кичик Жорж Буш эса офисга бирмунча «кечроқ» — 6:45 да келар ва кўпинча шу пайтда учрашувларини ўтказарди. Унинг жамоаси ҳам шундай ишлашга кўникканди: Колин Пауэлл офисга эрталабки олтида келиб, у ерда кечки еттигача қолиб кетган. Кондолиза Райс эса ишга боргунча спортзалга улгуриш учун 4:30 да турарди.
Изоҳ (0)