Kubanda robot ishtirokida buyrak ko‘chirib o‘tkazish bo‘yicha Rossiyadagi birinchi operatsiya bo‘lib o‘tdi, deb yozadi “Hi-tech.mail.ru”. U yetti soat davom etdi va muvaffaqiyatli yakunlandi.
Maxsus robotlashtirilgan tizim — Da Vinci jarrohga mikroskopik aniqlik talab qilinadigan eng murakkab operatsiyalarni o‘tkazishda yordam beradi. Qurilma ikki qismdan iborat: to‘rt qo‘lli robot va shifokorning ish o‘rni. U joystiklar yordamida robotning mexanik qo‘llarini boshqaradi, ulardan biriga kamera o‘rnatilgan. Undan jarrohning monitoriga operatsiya stolining 3D-tasviri uzatiladi.
Da Vinci Kubanda 2014-yil oxiridan beri qo‘llanib kelinadi. Robot yordamida amalga oshirilgan Rossiyadagi birinchi buyrak ko‘chirib o‘tkazish operatsiyasi, shifokorlar so‘zlariga ko‘ra, muvaffaqiyatli kechdi.
Bemor ayol ko‘p yillardan buyon buyrak faoliyatidagi surunkali yetishmovchilikdan azob chekkan. Endi u haftasiga 15 soat davom etgan gemodiliz protsedurasidan o‘tishiga hojat qolmaydi.
Izoh (0)