Америкалик таниқли актёр, «Ташувчи», «Тутқич бермаслар» фильмлари юлдузи Жейсон Стейтем LG компаниясининг инновацион модуллли смартфони бўлмиш LG G5 реклама ролигида суратга тушди.
LG G5 ва LG Friends қўшимча қурилмаларининг имкониятлари ҳақида сўзловчи бу ролик режиссёри Фредрик Бонддир. У халқаро брендлар учун кўплаб глобал кампанияларни бошқарган.
Кампаниянинг асосий эътибори LG G5’нинг универсал модулли дизайнига қаратилган бўлиб, у ўйин ўйнаш ва смартфондан фойдаланиб роҳатланиш имкониятларини беради. LG G5 ўз гаджетлари орқали ўзгариши мумкин, масалан, у рақамли камерага ёки Hi-Fi аудиоплеерга айланиши мумкин. Ушбу смартфон яшаш тарзини енгиллаштирувчи замонавий технологияларни хуш кўрувчилар учун айни муддаодир.
Суратга олиш ишлари Лос-Анжелесда Energy BBDO креатив агентлиги иштирокида бўлиб ўтди. Сюжетга кўра, Жейсон Стейтем LG G5’дан фойдаланишнинг қувноқ ва қизиқарли имкониятларини намойиш этади. Актёр LG G5’нинг «Ҳаёт унда ўйинга жой борлиги билан қизиқдир» шиорини акс эттирган кулгили саҳнада барча қаҳрамонлар ролини ижро этди.
«Назаримда, LG компанияси LG G5 смартфони орқали илгари сураётган модулли дизайн концепцияси албатта харидорларнинг эътиборини жалб этади. Мазкур роликни яратиш устида LG компанияси билан ишлаш менга жуда манзур бўлди ва умид қиламанки, буни барча томошабинларимиз муносиб баҳолайди», — деди Жейсон Стейтем.
«МWC доирасидаги премьерадан сўнг биз кўпчиликдан улар айнан LG G5 смартфонига ўхшаган қурилмани кутганлигини эшитдик. LG G5 ёрдамида биз смартфон одатий алоқа воситасидан-да ортиқ вазифаларни бажара олишини кўрсатиш, фойдаланишнинг янги имкониятлари билан таништириш ниятидамиз. Бу бизнинг ҳаётимизни яхшилаб, уни янада қизиқ қилади», — деб таъкидлайди LG Mobile Communications компанияси вице-президенти ва маркетинг алоқалари бўлими бошлиғи Крис Йи.
Мазкур реклама ролиги 1 апрелдан Шимолий ва Жанубий Америка, Европа ва Шарқий Осиё ҳамда бир қатор мамлакатларда намойиш этилади. Шунингдек, у LG Mobile компаниясининг Facebook ижтимоий тармоғидаги саҳифасига ҳам қўйилди.
Маҳсулот сертификатланган.
Реклама ҳуқуқи асосида
Изоҳ (0)