Франция, Буюк Британия ва Канаданинг Фаластин давлатини тан олиш режалари АҚШ Конгрессидаги республикачиларнинг катта қисмини Украинага ҳарбий ёрдам кўрсатишни давом эттириш масаласида ҳамкорликдан узоқлаштириши мумкин. Бу ҳақда The Wall Street Journal (WSJ) газетаси хабар бермоқда.
АҚШнинг Яқин Шарқ сиёсатига ихтисослашган консерватив тадқиқот маркази — Америка тадбиркорлик институти (АЭИ) илмий ходими Дениел Саметнинг таъкидлашича, Республикачилар партиясининг Конгрессдаги ва президент маъмуриятидаги вакилларининг аксарияти ҳамон Исроилга хайрихоҳ. Шу билан бирга, уларнинг бир қисми трансатлантик ҳамкорликни мустаҳкамлаш ва Украинага ҳарбий ёрдамни кўпайтириш тарафдори.
Саметнинг фикрича, уч давлат ўз баёнотлари билан республикачи қонунчиларнинг ана шу қисми билан мулоқотга путур етказмоқда.
“Агар Франция ва Буюк Британия ъУкраина хавфсизлиги Евроатлантика хавфсизлигидан ажралмасъ деб ҳисобласа, Канада эса ъхавфсиз ва суверен Украинани қатъий қўллаб-қувватлашгаъ содиқ бўлса, унда нима учун улар республикачиларни бу қадам билан четга суриб қўймоқда?”, дейди эксперт.
Экспертнинг айтишича, Фаластин давлатининг ушбу уч давлат томонидан тан олиниши уни сиёсий воқеликка айлантирмайди, чунки бунга Фаластин ҳудудларини амалда назорат қилиш, ягона ҳамда барқарор бошқарувга эга бўлиш билан боғлиқ кўплаб қийинчиликлар тўсқинлик қилади.
Саметга кўра, бу “керакcиз ва хавфли хато” бўлиб, Вашингтон билан муносабатларнинг кескинлашувига олиб келади.
29 июль куни Буюк Британия бош вазири Кир Стармер, агар Исроил Ғазодаги инсонпарварлик блокадани тўхтатмаса ва тинчлик сари қадам ташламаса, Лондон сентябрь ойида Фаластин давлатини тан олиши мумкинлигини маълум қилди.
Франция аввалроқ Фаластин давлатини ҳеч қандай шартларсиз тан олишга ваъда берган эди, Малта ҳам унга эргашди. 2023 йил октябрь ойидан бери Норвегия, Ямайка, Испания, Ирландия, Арманистон, Багама ороллари, Словения, Барбадос ҳамда Тринидад ва Тобаго аллақачон Фаластинни тан олган.
Изоҳ (0)