АҚШнинг Жон Хопкинс университети жарроҳлари биринчи марта ОИВ (одам иммун танқислиги вируси)га чалинган ўлик донордан ушбу вирус билан касалланган икки беморга жигар ва буйракни кўчириб ўтказди, дея хабар бермоқда Los Angeles Times. Операция иммун танқислиги бўлган одамлардан органларни трансплантация қилишга қўйилган 25 йиллик тақиқнинг тугалланганини билдиради.
Шифокорлар сўзларига кўра, беморлар операциядан сўнг ўзларини яхши ҳис қилмоқда. Улардан бири ОИВ билан касалланганидан 30 йил ўтгач, янги буйракка эга бўлди ва касалхонадан чиқарилди. Шифокорлар иккинчи беморнинг аҳволини назорат қилиб турибди, унинг гепатитдан зарар кўрган жигарини алмаштиришди, таҳлиллар орган тўғри ишлаётганини кўрсатмоқда.
ОИВга чалинган органлар трансплантацияси бўйича ушбу операция 1988 йил — бундай операцияларни тақиқловчи қонун кучга кирганидан буён биринчи марта ўтказилди. 2013 йилдагина ҳукуматнинг HOPE лойиҳаси маъқуллангач, тақиқ бекор қилинган эди.
Изоҳ (0)