Мьянманинг янги президенти Тхин Чжо 30 март, чоршанба куни мамлакат пойтахти Нейпьидода парламентнинг ҳар иккала палатаси қўшма йиғилишида қасамёд қабул қилди. Бу ҳақда Hluttaw телеканали маълумотига таяниб, «РИА Новости» хабар беради.
Президент Тхин Чжо парламент олдида қасамёд матнини баён қилди, унинг ортидан мазкур матнни иккала вице-президент ҳам такрорлади.
Мьянма парламенти 15 март куни мамлакат президентлигига Тхин Чжони сайлади. Тхин Чжо университет профессори, ёзувчи ҳамда «Демократия учун миллий лига» партияси етакчиси ва Нобель мукофоти лауреати Аун Сан Су Чжининг яқин дўсти ва сафдошидир. У 1962 йилги ҳарбий тўнтаришдан кейин қуролли кучлар вакиллари орасидан тайинланмаган биринчи давлат раҳбаридир.
Изоҳ (0)