Bloomberg агентлиги томонидан тузилган дунёнинг ўта бадавлат кишилари рўйхатидаги ҳар йигирманчи миллиардер Жануби-Шарқий Осиё вакилидир. Бу ҳақда «Интерфакс» хабар бермоқда.
Йил бошидан бери уларнинг умумий мол-мулки 7,6 миллиард доллар ёки 5 фоиздан зиёдга ошган. Ҳолбуки, умуман Осиё бўйича бу кўрсаткич арзимас даражада ошган.
Инвестиция империяси таркибига савдо марказлари, банклар ва қурилиш компаниялари кирувчи филиппинлик Генри Си ўз давлатини Жануби-Шарқий Осиёдаги миллиардерлар орасида энг жадал суръатларда кўпайтирган.
Осиёнинг бошқа қисмларида миллиардерлар мол-мулки Хитой иқтисодиёти суръатлари пасайгани сабабли 31,3 миллиард долларга камайган. Дунё миқёсида эса ўта бадавлат кишилар мол-мулки 5 фоиздан ошиққа қисқарган.
Изоҳ (0)