Қирғизистонда ҳокимиятни зўравонлик билан эгаллаб олишга уринишда айбланиб, мухолифатчи Эрнест Карибеков ҳибсга олинди. Бу ҳақда мамлакат миллий хавфсизлик қўмитаси маълум қилди, дея хабар беради «ТАСС».
Қўмита маълумотларига кўра, гумонланувчи «Ҳокимиятни зўрлик билан қўлга олиш ёки зўрлик билан ушлаб туриш» моддаси бўйича қўзғатилган жиноий иш доирасида қўлга олинган. Шунингдек, мазкур иш бўйича Давлатбек Турдуналиев ҳам гумон қилинмоқда, бироқ айни пайтда қаерда эканлиги номаълум бўлгани боис, унга нисбатан қидирув эълон қилинган.
26 март, шанба куни қўмита Жалолобод вилоятининг собиқ губернатори Бектур Асанов ва «Чиндик» партияси етакчиси Кубаничбек Қодировга ҳам шундай айблов қўйган ва улар суд қарорига биноан қамоққа олинган.
Бир неча кун аввал интернетда Қирғизистонда ҳокимиятни қўлга олиш режасини муҳокама қилаётган қирғиз сиёсатчилари аудиоёзуви эълон қилинганди. 23 март, чоршанба куни қўмита уларнинг ҳақиқий эканлигини тасдиқлади.
Изоҳ (0)