Россия ҳарбий-космик кучлари бир суткада Пальмирага 40 та парвозни амалга оширди

Россия ҳарбий-космик кучлари бир кеча-кундузда Пальмира ҳудудига 40 марта парвозларни амалга оширди, дея хабар бермоқда «РБК» Россия мудофаа вазирлиги базасидаги Суриядаги душман томонларни яраштириш марказига таяниб. Улар ИШИД террорчилик ташкилоти жангариларининг 117 та нуқталарига зарбалар берди.

Парвозлар натижасида 80 террорчи, шунингдек, жангариларнинг 8 та бошқарув пункти ва 12 та таянч пункти йўқ қилинди. Бундан ташқари, Россия ҲКК самолётлари иккита танк, учта артиллерия қурилмаси, саккизта автомобиль техникаси ва олтита ўқ-дори омборини йўқ қилишга муваффақ бўлди.

Эслатиб ўтамиз, аввалроқ Сурия армияси жангчилари ва халқ қўшинлари отрядлари Пальмира шаҳрини тўлиқ озод этгани хабар берилган эди.

ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.