Брюс Ли туфайли Голливуд кунг-фу нималигини ўрганди. Жанг санъатлари устаси ва инструктори, файласуф, режиссёр ҳамда Жит Кун До асосчиси Брюс Ли жуда эрта — 32 ёшида ҳаётдан кўз юмди.
«Интересние факти» сайти унинг фавқулодда истеъдодини исботлайдиган фактларни ёдга олди.
1. Секинлаштирилган съёмка
Брюс Лининг тезлиги шу қадар юқори эдики, у овқатланиш таёқчаси ёрдамида ҳаводаги гуручни тутиб олишга қодир эди. Томошабинлар унинг ҳаракатларини фарқлай олиши учун фильмларда жанг саҳналари бироз секинлаштирилар эди.
2. Танга ёрдамида кўрсатиладиган фокус
Брюс Ли бировнинг кафтидаги тангани олиб, унинг ўрнига бошқасини қўйишни шу қадар тез бажарардики, тангани ушлаб турган одам буни пайқамай қолиши мумкин эди.
3. “Ўлим ўйини”
Брюс Ли “Ўлим ўйини” фильмида вафотидан сўнг бош ролни ижро этган. Фильмда унинг дафн маросимида олинган саҳналар мавжуд. Актёр съёмкалар якунланишидан олдин оламдан ўтгани боис айрим саҳналарда монтаж ва дублёрлардан фойдаланилган.
4. Жаҳлимни чиқарма
Жанг саҳнасидаги шериги Боб Волл йўл қўйган хато туфайли шишада қўлини кесиб олган Брюс Ли рақибига шундай зарба берганки, унинг ҳимоя учун кўтарилган қўли синиб қолган. Жароҳат олган қўлини ишлатмаслик учун Ли бошқа қўли билан зарба берган, аммо зарба кучини тўғри ҳисоблай олмаган эди. Волл эса зарба бу қадар кучли бўлишини кутмаганди.
5. 11 секунд
1962-йилда Брюс Ли 11 секунд давом этган жангда рақибига 15 та зарба бериб, уни нокаутга учратган. Мухлислари ҳалигача унинг “бир дюйм наридан” туриб бериладиган зарбани такрорлашга ҳаракат қилади.
6. Бир қўлда 50 марта ётиб туриш
Брюс Ли битта қўлининг катта ва кўрсаткич бармоқларида туриб 50 марта, бошқасида яна 50 марта ётиб тура оларди.
7. Гонгконг чемпиони
Брюс Ли 1958-йилда ча-ча-ча рақси бўйича Гонгконг чемпиони бўлган. Ўшанда у 18 ёшда эди.
8. Умуртқа поғонаси жароҳати
Брюс Ли умуртқа поғонасидан олган жиддий жароҳатни енгиб ўта олган. Машғулотдаги муваффақиятсиз ҳаракат туфайли унинг тўртинчи умуртқасига зарар етган. Бу амалда спорт карьерасининг якуни дегани эди. Шифокорлар Брюс ярим йил давомида бошқатдан юришни ўрганиши лозимлигини, умрининг охиригача оғир юкламалардан қочиши кераклигини айтган. Лекин у ўз терапиясини ишлаб чиқиб, нафақат тузалиб кетган, балки илгаригидан ҳам бақувватроқ ва эпчилроқ спортчига айланган.
9. Жеки Чаннинг адабини берган
Бир куни Брюс Ли тасодифан Жеки Чанни дўппослаган. “Аждарнинг чиқиши” фильмида у Жекининг юзига асо билан зарба берган. Аммо ёш Жеки бу воқеани ҳазилга йўйган ва ўзи мухлислик қиладиган афсонавий актёр билан яқинроқ танишиш имкониятидан фойдаланиб қолган.
10. Синиб қолган бокс грушаси
Жеймс Коберн Ли томонидан жанг санъатига ўргатилган кино юлдузларидан биридир. Бир сафар у билан машғулотлар ўтказиш пайтида Брюс Ли 68 килограммлик бокс грушасини синдириб қўйган.
11. Брюс ли Чак Норрисдан кучлироқ бўлган
Чак Норрис бу ҳақда гапиришни ёқтирмайди, лекин бир сафар дўсти Брюс Ли жангда уни осонликча енгишини тан олган.
12. Енгилмас жангчи
Брюс Ли дунёдаги ягона енгилмас жангчи — Буюк Гамнинг мухлиси эди. Буюк Гамнинг фаолияти 50 йил давом этган.
13. Брюс — тинчлик рамзи
Босниянинг Мостар шаҳрида Брюс Лининг ҳайкали ўрнатилганди, негаки у аҳолининг барча этник қатламларига бирдай ёқарди. Кейинчалик ҳайкал бузиб ташланди.
14. Брюс Ли бокс техникасини ўрганган
Брюс Ли Муҳаммад Алининг мухлиси бўлиб, унинг жангларини видеотасмада қайта-қайта кўрган. Ли унинг ҳаракатларини синчиклаб ўрганган.
15. Equagesic
Брюс Ли 32 ёшида Equagesic оғриқ қолдирувчи препарати берган аллергик реакция оқибатида вафот этди.
16. 0,05 секунд
Брюс Лининг тезлиги расман қайд қилинган: 1 метр масофадан бериладиган зарбага 0,05 секунд сарфланган. Айрим жанг саҳналарида у 50 нафар рақибини бир неча секундда йиқитгани акс этган.
17. Немис қони
Унинг онаси католик эътиқодида бўлиб, бир томондан немис эди.
18. Йип Мэн ва Брюс Ли
Брюс Лига жанг санъатини ўргатган киши — Йип Мэн афюнга пул топиш учун ўз спорт мактабини очган эди. Брюс Ли унга кунг-фу техникасини фақат хитойликлар учун сақлаб қолиб, чет элликларга ошкор қилмасликка ваъда берганди, лекин у сўзининг устидан чиқмади.
Изоҳ (0)