Хонанда Каниза «Истиқлол» санъат саройида берадиган концерт дастурида мухлисларни кўплаб янгиликлар кутаётганини айтиб ўтди. «Бекажон» газетасига берган интервьюсида, шунингдек,бўлажак турмуш ўртоғи билан қандай танишганини ҳам сўзлаб берди, деб ёзади «Даракчи.uz».
«Иш юзасидан банкка боргандим. Ичкарига кириб кетаётсам, у чиқиб кетаётган экан. Нимадир бўлди-ю, у билан гаплашиб қолдик. Бир марта гаплашгандаёқ муносабатларимиз чуқурлашиб кетиши хаёлимга ҳам келмаган. Аста-секин муносабатларимиз жиддийлашиб борди. Бу инсон ҳаётимда муҳим аҳамиятга эга эканлигини англадим. Бир-биримиз учун яратилганимизни тушуниб етдик. Кўз тегмасин, ҳозир ҳар доим ёнимда. Яхши ниятлардамиз. У жуда самимий, оқкўнгил инсон. Аёл киши турмуш ўртоғига суянишни хоҳлайди. Худди шундай мен ҳам у инсонга суянаман. У киши эса доим мени қўллаб-қувватлайди. Энг асосийси, оиланинг қадрига етадиган инсон. Болаларни жуда яхши кўради, мен ҳам яхши кўраман. Шу жиҳатдан бир-биримизга ўхшаймиз. Мени тушуниб, ҳурмат қилади. Шу хислатлари менга маъқул келган»,—дейди хонанда.
Изоҳ (0)