Сурия армияси бўлинмалари ўз-ўзини мудофаа қилиш халқ отрядлари кўмагида Тадмор шаҳри яқинидаги барча стратегик баландликларни эгаллаб олди, деб ёзади «ТАСС». Ушбу шаҳар ташқарисида Пальмира меъморий-тарихий мажмуаси жойлашган.
Армия қўмондонлиги хабарига кўра, ушбу ҳудудда Сурия ҳарбий-ҳаво кучлари ИШИД террорчилик гуруҳининг истеҳкомларига ҳаводан зарбалар бермоқда. Ҳар бир баландлик учун Сурия қўшинлари экстремистлар билан астойдил жанглар олиб бормоқда.
Шу билан бир вақтда армия отрядлари авиация кўмагида ИШИД жангариларига моддий ёрдам етказишда фойдаланилган Тадмор—Ас-Сухна йўлини ёпиб қўйди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)