Жаҳон бозоридаги нефть нархи АҚШдаги тижорат захиралари сезиларли равишда кўпайгани ҳақида маълумотлар пайдо бўлгач, тушиб бормоқда, деб ёзади «Ведомости».
Хусусан, 23 март куни Тошкент вақти билан 20:30 да Brent маркасидаги нефтнинг май ойидаги фьючерслари 2 фоизга арзонлашиб, баррелига 40,76 долларни ташкил этди.
WTI маркасидаги нефтнинг май фьючерслари эса бу вақтга келиб, 2,58 фоизга пасайди ва баррелига 40,38 долларга тенг бўлди.
АҚШда нефтнинг тижорат захиралари ўтган ҳафта ичида 9,36 миллион баррелга кўпайиб, 532,5 миллион баррелни ташкил қилди, бу 1930 йилдан буён максимал кўрсаткичдир.
Изоҳ (0)