Янги Зеландия фуқаролари давлат байроғи алмашишига қарши овоз берди

Янги Зеландия фуқаролари давлат байроғи алмашишига қарши овоз берди: референдумда иштирок этганларнинг 56,6 фоизи эски байроқ сақланиб қолишини ёқлади. Бу ҳақда мамлакат бош вазири Жон Кей маълум қилган, дея хабар беради Meduza. 

Жон Кей Янги Зеландия давлат байроғини алмаштиришни 2014 йил сентябрида таклиф этганди. У ўз ғоясини байроқ Австралия байроғига жуда ўхшаш эканлиги ва бу адашувга олиб келаётгани билан изоҳлаган. 

Альтернатив вариант — қора-кўк фондаги кумушранг қирққулоқ новдасини овоз берганларнинг 43,2 фоизи маъқуллаган. У бир неча босқичда бўлиб ўтган овоз бериш якунлари бўйича танланганди.

Референдумни ўтказиш Янги Зеландия иқтисодиётига 17,6 миллион АҚШ долларига тушган.