Рокфеллерлар фонди нефть соҳасига инвестиция киритишдан воз кечди

Рокфеллерлар оиласи хайрия фонди қазилма ёқилғи билан боғлиқ компаниялардан барча инвестицияларни олиб чиқишга қарор қилди. Бу ҳақда Meduza хабар бермоқда. 

Фонд баёнотида нефть компаниялари углеводородлар қазиб олишни давом эттириши учун мантиқий сабаб йўқлиги, барча очилган конлар қўл теккизилмаган ҳолда қолиши лозимлиги билдирилган. Нефть компаниялари ўзини масъулиятсиз тутаётганига мисол тариқасида углеводородларнинг иқлим ўзгаришига таъсири борасида барчани чалғитган ва атроф-муҳит муҳофазаси ҳақида қайғурмаган ExxonMobil компаниясини келтирган. ExxonMobil, ўз навбатида, фондни компанияга қарши фитнада айблади. 

Маълумот учун, Рокфеллерлар оиласи хайрия фонди инсоният тарихидаги биринчи миллиардер, Standard Oil нефть компанияси раҳбари Жон Рокфеллер ворислари томонидан ташкил этилган.