АҚШнинг Вашингтон штати Сиэтл шаҳрида 22 март куни эрталаб номаълум эркак 24 метрли дарахтга чиқиб олди, деб ёзади TJournal. У дарахтда бир кеча-кундуздан кўпроқ вақт ўтирди, ўт ўчирувчиларга ўзини қутқаришга йўл бермади. Ушбу воқеаларнинг барчаси маҳаллий телеканал орқали тўғридан-тўғри эфирга узатилди.
Ўзининг тушунтириб бўлмайдиган акцияси учун эркак баланд секвоя дарахтини танлади. Воқеа жойига етиб келган ўт ўчирувчилар «вазият хавфли тус олмаслиги» учун уни куч билан пастга тушириш фикридан қайтди. Эркакнинг ўзи эса уларга олма ва ғудда отиб, халал берди.
https://twitter.com/Pixelfish/status/712395294458023936
Шунда ҳодиса жойига Сиэтлнинг «реал суперқаҳрамони» Феникс Жонс етиб келди. У эътиборни жалб қиладиган либосларда шаҳар соқчилиги билан шуғулланадиган Rain City Superhero Movement ҳаракати иштирокчиси ҳисобланади. Жонс дарахтдаги эркак билан таниш эканлигини айтди, аммо полиция унинг хизматидан воз кечишни афзал билди.
UPDATE: @ThePhoenixJones here. Sandwich in hand. Police not letting him get close to the scene. #ManInTree #Q13FOX pic.twitter.com/5J4uXqFLJF
— Tom Yazwinski (@TomYazwinski) March 23, 2016
Воқеа интернетда машҳур бўлиб кетди, «Дарахтдаги эркак» учун Twitter’да махсус саҳифа ҳам очишди.
Бир суткадан ошиқроқ вақт ўтгач, эркак узоқ ўгитлардан сўнг, дарахтдан тушишга рози бўлди.
DEVELOPING: Seattle's #ManInTree comes down from tree to cheers from onlookers pic.twitter.com/cR2XnaGdOa
— Mashable News (@MashableNews) March 23, 2016
Унинг бу ҳаракати сабаблари номаълум бўлиб қолмоқда, аммо ҳукумат унга нисбатан ҳеч қандай айблов эълон қилинмаслигини айтди.
Изоҳ (0)