AQShning Vashington shtati Sietl shahrida 22-mart kuni ertalab noma’lum erkak 24 metrli daraxtga chiqib oldi, deb yozadi TJournal. U daraxtda bir kecha-kunduzdan ko‘proq vaqt o‘tirdi, o‘t o‘chiruvchilarga o‘zini qutqarishga yo‘l bermadi. Ushbu voqealarning barchasi mahalliy telekanal orqali to‘g‘ridan-to‘g‘ri efirga uzatildi.
O‘zining tushuntirib bo‘lmaydigan aksiyasi uchun erkak baland sekvoya daraxtini tanladi. Voqea joyiga yetib kelgan o‘t o‘chiruvchilar “vaziyat xavfli tus olmasligi” uchun uni kuch bilan pastga tushirish fikridan qaytdi. Erkakning o‘zi esa ularga olma va g‘udda otib, xalal berdi.
https://twitter.com/Pixelfish/status/712395294458023936
Shunda hodisa joyiga Sietlning “real superqahramoni” Feniks Jons yetib keldi. U e’tiborni jalb qiladigan liboslarda shahar soqchiligi bilan shug‘ullanadigan Rain City Superhero Movement harakati ishtirokchisi hisoblanadi. Jons daraxtdagi erkak bilan tanish ekanligini aytdi, ammo politsiya uning xizmatidan voz kechishni afzal bildi.
UPDATE: @ThePhoenixJones here. Sandwich in hand. Police not letting him get close to the scene. #ManInTree #Q13FOX pic.twitter.com/5J4uXqFLJF
— Tom Yazwinski (@TomYazwinski) March 23, 2016
Voqea internetda mashhur bo‘lib ketdi, “Daraxtdagi erkak” uchun Twitter’da maxsus sahifa ham ochishdi.
Bir sutkadan oshiqroq vaqt o‘tgach, erkak uzoq o‘gitlardan so‘ng, daraxtdan tushishga rozi bo‘ldi.
DEVELOPING: Seattle's #ManInTree comes down from tree to cheers from onlookers pic.twitter.com/cR2XnaGdOa
— Mashable News (@MashableNews) March 23, 2016
Uning bu harakati sabablari noma’lum bo‘lib qolmoqda, ammo hukumat unga nisbatan hech qanday ayblov e’lon qilinmasligini aytdi.
Izoh (0)