Ўзбекистонда жорий йил I ярмида прокуратура томонидан ёқилғи-энергетика соҳасида 67 мингдан ортиқ ноқонуний ҳолатлар фош этилган. Бу ҳақда 22 июль куни Бош прокуратура ахборот хизмати хабар берди.
-V_pfU0PU.avif)
Маълум қилинишича, олти ой мобайнида ёқилғи-энергетика соҳасида қонунийликни таъминлаш мақсадида 70 мингта рейд тадбирлари ўтказилган. Ўрганишлар натижасида 67 мингдан ортиқ ноқонуний ҳолатлар фош этилиб, 758 млрд сўм зарар ундирилган.
Олти ой давомида прокуратура органлари томонидан аниқланган қонун бузилиши ҳолатлари юзасидан 248 минг нафар фуқаронинг бузилган ҳуқуқлари тикланган.
“Назорат тадбирлари ва дастлабки тергов давомида айбдор шахслардан фуқароларга ва давлат манфаатларига етказилганлиги аниқланган 1,3 трлн сўмлик зарарнинг ундирилиши таъминланган”, дейилади манба хабарида.
Ярим йил ичида прокурорлар мамлакатда 842 марта бўш иш ўринлари меҳнат ярмаркалари ўтказиб, 5 минг 389 нафар ишсиз фуқарони ишга жойлаштирган. Бу даврда 9 минг нафар тадбиркорнинг бузилган ҳуқуқлари тикланган, 18 минг нафардан ортиғига муаммоларини бартараф этишда кўмаклашилган.
Қайд этилишича, прокурор назорати тадбирлари натижасида давлат дастурларига киритилган 5 минг 661 та қурилиш объекти ўз муддатида фойдаланишга топширилиши, 3,7 трлн сўм маблағлар тежалиши таъминланган.
-fyWuO_mn.avif)
“Ўзбошимчалик билан эгаллангани аниқланган 861 гектар ер майдонлари захирага қайтарилиши таъминланди”, деб ёзади манба.
Шу билан бирга, ярим йил давомида Ўзбекистондаги 626 гектар ер майдонларини талон-торож қилиш билан боғлиқ ҳолатлар юзасидан 977 та жиноят иши қўзғатилган.
Изоҳ (0)