Жанубий Корея прокуратураси 18 март, жума куни пойтахт Сеулдан 70 километр жанубда жойлашган Пхёнтхэк шаҳридаги Volkswagen AG компанияси техник назорат пунктида тинтув ўтказди. Бу ҳақда «РИА Новости» хабар бермоқда.
Прокуратура автомобиллар сотувдан аввал текширувдан ўтказиладиган мазкур пунктда компьютер қаттиқ дисклари ва ташланмалар таҳлилига оид ҳужжатларни олган. Volkswagen ва Audi моделларининг турли нусхаларидан иборат тўртта автомобиль эса газ ташланмаси даражасини аниқлаш учун Жанубий Корея экологик тадқиқотлар институтига юборилган. Прокуратура Volkswagen AG машиналари Жанубий Корея стандартларига жавоб бериши учун кўрсаткичларга ўзгартириш киритувчи қурилмалардан фойдаланган ёки йўқлигини аниқлаш ниятида экани билдирилмоқда.
Ўтган ойда компаниянинг Сеулдаги офисида ҳам шундай тинтув ўтказилган ва бу ердаги айрим ходимларга текширув якунлангунча мамлакатни тарк этиш тақиқланганди. Бир неча ҳафта олдин эса Volkswagen Жанубий Корея ҳукуматига шу йил апрелидан бошлаб мамлакатдан 125 минг дона автомобилни қайтариб олиш режасини тақдим этган.
Изоҳ (0)