Facebook’даги «Водители Ташкента» гуруҳида Намангандаги ободонлаштириш бошқармаси ходимларининг иш жараёни акс этган фотосурат эълон қилинди.
Фотосуратдаги эътиборга молик энг асосий жиҳат — бошқарма ходимларининг бевосита иш жойи олдига ўрнатилган йўл белгисидир: унда қўлига, катта эҳтимол билан, супурги ушлаган аёл тасвирланган.
Фотохабар остида фикр билдирган фойдаланувчилардан бири Фарғонадаги ободонлаштириш ходимлари ҳам худди шундай белгидан фойдаланишини ёзиб қолдирган.
Маълумот учун, Ўзбекистонда амалда бўлган Йўл ҳаракати қоидаларида бундай белги назарда тутилмаган. Кўчалардаги таъмирлаш, тозалаш ва ободонлаштириш ишлари вақтларида масъул хизматларнинг ходимлари, одатда, «Таъмирлаш ишлари» йўл белгисидан фойдаланади.
Хусусан, Йўл ҳаракати қоидаларининг «Огоҳлантирувчи белгилар» бўлимида, агар қатнов қисмида қисқа муддатли йўл ишлари олиб борилаётган бўлса, иш бажарилаётган жойга 10—15 метр масофа етмасдан 1.23 — «Таъмирлаш ишлари» белгиси ўрнатилиши мумкинлиги қайд этилган.
Изоҳ (0)