Ўзбекистонда ишлаб чиқариладиган Ravon Nexia R3 автомобилининг Россия бозоридаги дебюти бироз кечиктирилади, деб ёзади «Review.uz». У аввалроқ эълон қилинганидек апрелда эмас, ёз ўрталарида Россия бозорида сотувга чиқади.
«Ўзавтосаноат» акциядорлик компанияси расмий хабарига кўра, эски Nexia ўрнига келадиган «Т-250» моделидаги янги автомобилни серияли ишлаб чиқаришни ўзлаштириш бўйича лойиҳани амалга ошириш якунланмоқда. Уни серияли ишлаб чиқариш ва экспорт қилишни бошлаш 2016 йил иккинчи чораги охирига мўлжалланган.
«Auto.vesti.ru» нашри маълумотларига кўра, ички индекси «Т-250» бўлган Ravon Nexia R3 автомобили савдоси Россияда тахминан 2016 йил июлида бошланиши керак.
GM Uzbekistan’нинг асосан Россия бозори учун мўлжалланган янги бренди — Ravon’нинг тақдимоти 2015 йил октябрида Москвада бўлиб ўтган эди. Россия нашрлари 2016 йил баҳоридан янги Nexia Россия автосалонларига етказиб берилиши ҳақида ёзганди.
Изоҳ (0)