Россиялик боксчи Григорий Дрозд жароҳати сабаб чемпионлик камарини ҳимоя қилиш бўйича конголик Илунга Макабуга қарши жангни иккинчи марта бекор қилгани учун унвонидан маҳрум этилди. Bigmir)net хабарига кўра, соғайиши чўзилиб кетган Дрозд эндиликда «таътилдаги чемпион» мақомини олган.
Дрозддан бўш қолган унвон учун Илунга Макабу британиялик Тони Белльюга қарши рингга кўтарилади. Жангнинг қачон ва қаерда бўлишига яқин кунларда ойдинлик киритилади.
Беллью WBC рейтингида 6-ўринни эгаллаб турибди. Британиялик промоутер Эдди Херн чемпионлик камари учун жангни Беллью туғилган Ливерпул шаҳрида ўтказиш истагида эканлигини маълум қилди.
Конголик Макабу профессионал боксда ҳозирга қадар 19 та жанг ўтказган бўлса, шуларнинг 18 тасида рақибларини нокаутга учратган. Беллью эса ўзи иштирок этган 26 та жангнинг 16 тасини муддатидан олдин ғалаба билан якунлашга муваффақ бўлган.
Изоҳ (0)