Хитойнинг Bastille Post манбаси эълон қилган янги расмлар iPhone 7’да қўш камера мавжудлигини тасдиқлади, дея хабар бермоқда «Hi-tech.mail.ru». Home тугмасининг ҳамда орқа корпусдаги антенналар ёнида пластик деталларнинг йўқлиги ҳақида тарқалиб кетган бошқа маълумотлар ҳам инсайдерлик фотосуратлари орқали тасдиқланди.
Иккита объективга эга камера iPhone 7 орқа корпусининг текис юзасидан бироз бўртиб чиқиб туриши тахмин этилмоқда. Бир қаватли ёруғлик диодли вспишка унинг ёнида жойлашади, бу бироз ғалати кўринади, чунки кўпчилик флагман смартфонларда вспишка иккиталик ва у ранглар анча табиий узатилишини таъминлайди.
Камера ва вспишка ёнида анъанавий тарзда микрофон жойлашди. Орқа панелда антенналар учун мўлжалланган йўл-йўл чизиқлар йўқ: Apple уларни устки ва пастки қирраларга жойлаштирди.
Орқа панелнинг пастки қисмидаги учта нуқта Smart Connector интерфейси аналоги деб тахмин этилмоқда. Apple ундан iPad Pro’да фойдаланган эди. Бироқ яширинча олинган суратлар орқали iPhone 7 ҳақидаги асосий саволга жавоб топиб бўлмайди — смартфонда қулоқчинлар учун 3,5 миллиметрлик бўлинма бўладими, йўқми?
Махфий суратларга асосланиб, Feld & Volk компанияси дизайнерлари iPhone 7’нинг уч ўлчамли рендерларини яратди.
Изоҳ (0)