Telegram мессенжери 13 март куни янгиланди. Мессенжернинг блогида ёзилишича, сўнгги янгиланиш асосан супергуруҳлар билан боғлиқ.
Хабар беришларича, энди супергуруҳларга 1000 эмас, 5000 кишигача аъзо бўлиши мумкин. Бундан ташқари, гуруҳ администраторлари муҳим хабарларни экраннинг юқори қисмига «ёпиштириб қўйиш» имкониятига эга бўлди.
Шунингдек, супергуруҳларни очиқ гуруҳларга айлантириш мумкин бўлди — гуруҳ очиқ мақомга ўтказилиши билан, унинг телеграм.ме/очиқгуруҳноми кўринишида ҳаволаси пайдо бўлади.
Аввалроқ, февраль ойидаги янгиланишда Telegram асосан каналларни ислоҳ қилганди — каналдаги ҳар бир хабар ҳаволасини олиш, хато чиққан хабарни таҳрирлаш каби имкониятларни тақдим этганди.
Изоҳ (0)