АҚШнинг Стэнфорд университети олимлари ўз вазнидан 2000 марта ошиқ оғирликдаги объектларни ташишга қодир митти роботларни яратди. Бу ҳақда «Hi-Tech Mail.ru» хабар бермоқда.
Тадқиқотчиларни жамоа бўлиб салмоқли оғирликларни ташишнинг уддасидан чиқадиган чумолиларнинг хатти-ҳаракати илҳомлантирди. Митти роботлар ҳам шундай йўл тутади ва бу уларнинг имкониятини сезиларли равишда оширади. Ҳар бир роботнинг оғирлиги 100 граммга бориб-бормайди, бироқ улардан олтитаси салкам 2 тонна чиқадиган автомобилни ҳайдовчиси билан жойидан жилдириш учун етарли. Таққослаш учун, бу олти киши Париждаги Эйфель минорасини ўрнидан силжитиши билан тенг.
Қизиғи шундаки, чумоли роботларнинг ёлғиз ўзи айтарли кучга эга эмас. Ҳамма гап ҳаракатларнинг умумлаштирилиши ва бир нуқтадан иккинчисига ўтиш стратегиясида. Келгусида мазкур технологиядан юкларни ташишда муваффақият билан фойдаланиш мумкинлиги билдирилмоқда.
Изоҳ (0)