АҚШ президентлигига Республикачилар партиясидан номзод бўлишга даъвогар Марко Рубио сайловолди компаниясини якунлади. Рубио бу ҳақда ўзи сенатор бўлган Флорида штатидаги праймеризда мағлубиятга учраганидан сўнг маълум қилди, дея хабар беради «Газета.ru».
Сенатор тарафдорлари олдидаги чиқишида «2016 йили президент бўла олмаслиги, умуман, Яратганнинг истаги бўлмаса, мамлакатни ҳеч қачон бошқармаслиги»ни билдирди. Шу билан бирга, Қўшма Штатлар келажагига оптимистлик билан қарашини таъкидлаган.
Эслатиб ўтамиз, олдинроқ Дональд Трамп Флорида штатидаги дастлабки сайловда Марко Рубиодан 18 фоизга ўзиб кетиб, ғалабага эришгани ҳақида хабар берилганди.
Изоҳ (0)