Футбол бўйича Европа Чемпионлар Лигаси нимчорак финал жавоб учрашувига тайёргарлик кўраётган «Барселона» машғулотида кутилмаганда пайдо бўлган болакайларни клуб футболчилари яхши қарши олди, деб ёзади «Корреспондент.net».
Месси ҳамда унинг жамоадошлари болаларни майдондан чиқариб юбормади, аксинча, ўзлари билан бирга машғулот ўтказиш учун таклиф қилди.
Шу тариқа болакайлар ЕЧЛнинг амалдаги ғолиби ҳисобланган клуб аъзолари билан кичик машғулот ўтказди.
Кутилмаган ҳолатдан ҳайратланган футболчилар улар билан расмга тушишга ҳам улгурди. Якунда эса кичик мухлисларнинг илтимосини рад этмай, уларнинг футболкаларига дастхат ҳам қўйиб беришди.
«Барселона» бугун, 16 март куни «Камп Ноу» стадионида ЕЧЛ нимчорак финал жавоб учрашувлари доирасида Лондоннинг «Арсенал» клубини қабул қилади. Лондондаги Emirates стадионида бўлиб ўтган биринчи беллашувда каталонияликлар 2:0 ҳисобида муваффақият қозонишган.
Изоҳ (0)