Футбол бўйича Европа Чемпионлар Лигаси нимчорак финал жавоб учрашувида Испаниянинг «Атлетико» клуби Голландиянинг «ПСВ» жамоасини пенальтилар сериясида мағлуб этиб, чорак финалга йўл олди. Учрашувнинг асосий ва қўшимча вақтлари, Голландияда бўлган биринчи ўйин каби, 0:0 ҳисоби билан якунланди.
Пенальти сериясини голландиялик футболчилар очиб берди ва улар кетма-кет етти зарбада адашмади. Ўз навбатида испанияликлар ҳам ҳар бир голга гол билан жавоб беришди.
Саккизинчи зарбага келганда «ПСВ» аъзоси Лусиано Нарсинг мўлжалда адашди, «Атлетико» вакили Хуанфран эса жамоасининг саккизинчи зарбаси ҳам муваффақиятли амалга ошириб, «Атлетико»ни чорак финалга олиб чиқди.
Маълумот учун, ҳозирга қадар «Вольфсбург» (Германия), «Реал Мадрид» (Испания), «Бенфика» (Португалия), «ПСЖ» (Франция), «Манчестер Сити» (Англия) ва «Атлетико» (Испания) жамоалари ЕЧЛ чорак финал йўлланмасини қўлга киритди. 16 март, чоршанба куни нимчорак финал босқичи жавоб учрашувлари доирасидаги сўнгги икки ўйин — «Бавария» — «Ювентус» ва «Барселона» — «Арсенал» ўйинлари бўлиб ўтади.
Европа Чемпионлар Лигаси Нимчорак финал, жавоб учрашуви 15 март, сешанба
«Атлетико» (Испания) — «ПСВ» (Голландия) 0:0. Пенальтилар серияси — 8:7
Пенальтилар: Марко Ван Гинкел (0:1). Антуан Гризманн (1:1). Андрес Гуардадо (1:2). Габи (2:2). Деви Пропер (2:3). Коке (3:3). Жефри Брума (3:4). Саул (4:4). Эктор Морено (4:5). Фернандо Торрес (5:5). Максим Лестен (5:6). Хосе Мария Ҳименес (6:6). Сантяго Аряс (6:7). Филипе Луис (7:7). Лусиано Нарсинг (ноаниқ зарба). Хуанфран (8:7).Огоҳлантиришлар: Юрген Локадия, 30 (П). Люк де Ёнг, 66 (П). Андрес Гуардадо, 120+1 (П).«Атлетико»: 13. Ян Облак, 20. Хуанфран, 2. Диего Годин (19. Лукас-Франсуа Эрнандес, 89), 3. Филипе Луис, 6. Коке, 7. Антуан Гризманн, 12. Аугусто Фернандес (9. Фернандо Торрес, 56), 14. Габи, 17. Саул, 21. Янник Феррейра-Карраско (8. Матиас Краневиттер, 75), 24. Хосе Мария Хименес.
«ПСВ»: 1. Ерун Зут, 2. Николя Исима-Мирен, 3. Эктор Морено, 4. Сантяго Аряс, 5. Жеффри Брума, 6. Деви Проппер, 9. Люк де Ёнг (11. Лусиано Нарсинг, 118), 15. Етро Виллемс (20. Жошуа Бренет, 75), 18. Андрес Гуардадо, 19. Юрген Локадия (16. Максим Лестенн, 87), 28. Марко ван Гинкел.
Изоҳ (0)