«Манчестер Сити» Европа футбол клубларининг энг нуфузли мусобақасида чорак финалга қадар етиб келган Англиянинг еттинчи жамоасига айланди, деб хабар беради «Chempionat.com». Франция ва Испаниянинг ҳам шу вақтгача еттитадан жамоаси Чемпионлар Лигасида чорак финал босқичига қадар етиб кела олган.
Англия Премьер-лигаси вакили бўлган «Манчестер Сити» Европа Чемпионлар Лигасининг сўнгги икки мавсумини нимчорак финалда якунлаган эди. Ҳар икки сафар Испаниянинг «Барселона»си билан тўқнаш келган манчестерликлар, якунда чорак финалга ўта олмаган эди.
Бу сафар Мануэл Пеллигрини қўл остидаги жамоа нимчорак финал довонидан ўтди — босқичнинг Киев «Динамо»сига қарши биринчи ўйинида «Манчестер Сити» 3:1 ҳисобида ғалаба қозонган эди, жавоб ўйинида ҳисоб очилмади – 0:0.
Шу тариқа, икки ўйин натижасига кўра устун келган Англия клуби Чемпионлар Лигасидаги юришини давом эттирадиган бўлди.
Европа Чемпионлар Лигаси Нимчорак финал, жавоб учрашуви 15 март, сешанба
«Манчестер Сити» (Англия) — «Динамо» Киев (Украина) 0:0
Огоҳлантиришлар: Николас Отаменди, 18 (М). Виторину Антунеш, 21 (Д). Денис Гармаш, 57 (Д).«Манчестер Сити»: 1. Жо Ҳарт, 2. Венсан Компани (20. Эляким Мангала, 7), 5. Пабло Сабалета, 6. Фернандо, 10. Серхио Агуэро. 15. Хесус Навас, 21. Давид Силва (7. Раҳим Стерлинг, 79), 22. Гаэл Клиши, 25. Фернандинё, 30. Николас Отаменди (26. Мартин Демичелис, 24), 42. Яя Туре.
«Динамо» Киев: 1. Александр Шовковский, 24. Домогой Vida, 5. Виторину Антунеш, 34. Евгений Хачериди, 6. Александр Драгович, 4. Мигел Велозу, 19. Денис Гармаш (16. Сергей Сидорчук, 64), 29. Виталий Буялский, 20. Олег Гусев (7. Алексадр Яковенко, 62), 10. Андрей Ярмоленко, 91. Лукаш Теодорчик (25. Дерлис Гонсалес, 46).
Изоҳ (0)