Футбол бўйича Осиё Чемпионлар Лигаси гуруҳ босқичи 3-турига келиб «Пахтакор» 2016-мавсумдаги биринчи халқаро ғалабасини қўлга киритди. Эроннинг «Тракторсози» клубини қабул қилган Нўъмон Ҳасанов мураббийлигидаги жамоа Игорь Сергеевнинг 41-дақиқада киритган голи эвазига 3 очкони қўлга киритди.
Бунга қадар ўтказилган икки ўйинда «Пахтакор» бир марта дуранг ўйнаб, бир марта мағлуб бўлганди. 3-турдан кейин Тошкент клуби очколари сонини 4 тага етказиб, «Ал-Ҳилол» клуби билан тенглашиб олди. Эрон клуби эса дастлабки икки турни ўз фойдасига ҳал қилиб, юз фоизлик натижа қайд этганди.
Гуруҳдаги иккинчи учрашув БААнинг «Ал-Жазира» ва Саудия Арабистонининг «Ал-Ҳилол» жамоалари ўртасида бўлиб ўтади. Ўйин 15 март, сешанба куни Тошкент вақти билан 21:30 да бошланади. 2-турдан кейин «Ал-Ҳилол» ҳисобида 4 очко бўлса, БАА клуби бирорта ҳам очко жамғара олмаган. Мазкур ўйин натижасидан қатъий назар «Пахтакор» 3-турдан кейин «C» гуруҳининг 3-поғонасида қолади.
«Пахтакор» Чемпионлар Лигасидаги навбатдаги ўйинни 6 апрель куни ўтказади. У Эронда «Тракторсози»га қарши бўлиб ўтади.
Осиё Чемпионлар Лигаси «C» гуруҳи, 3-тур учрашуви 15 март, сешанба
«Пахтакор» (Ўзбекистон) — «Тракторсози» (Эрон) 1:0 (1:0)
Гол: Игорь Сергеев, 41 (1:0).Огоҳлантиришлар: Владимир Козак, 49 (П), Ойбек Қиличев, 59 (П).«Пахтакор»: 1. Никита Рибкин, 4. Аднан Ораховац, 5. Акбар Исматуллаев, 7. Азим Аҳмедов, 8. Шерзод Каримов (28. Станислав Андреев, 82), 9. Жалолиддин Машарипов (35. Ойбек Қиличев, 56), 10. Жамшид Искандеров, 11. Игорь Сергеев, 15. Жавоҳир Соҳибов, 21. Камолиддин Тожиев, 29. Владимир Козак (14. Жамшид Болтабоев, 67).
«Тракторсози»: 1. Муҳаммадризо Акбарий, 2. Муҳаммад Иранпуриан, 3. Шожаий Ҳалилзода, 4. Холид Шофеий, 5. Карлос Кардосо, 6. Сино Ашурий, 10. Суруш Рофеий, 11. Бахтиёр Раҳмоний, 24. Фарзад Ҳотамий, 66. Меҳди Киёний, 77. Саид Оғаий (90. Меҳди Шарифий, 54).
Изоҳ (0)