Хитойлик шахматчи Хоу Ифань Украинанинг Львов шаҳрида бўлиб ўтган аёллар ўртасида жаҳон чемпионлиги учун баҳснинг тўққизинчи партиясида украиналик Мария Музичукни енгиб, муддатидан аввал ғолибликни қўлга киритди. Ўзаро беллашувдаги ҳисоб 6:3 кўринишини олди. Бу ҳақда «ТАСС» хабар бермоқда.
Хоу Ифань 2010—2012 ва 2013—2015 йилларда ҳам мазкур унвон соҳибаси бўлган, Музичук эса ўтган йили Россиянинг Сочи шаҳрида бўлиб ўтган жаҳон биринчилигида муваффақият қозонганди. Жаҳон чемпиони бунга даъвогарларлар билан ўйинлар натижасига кўра маълум бўладиган эркаклар ўртасидаги шахматдан фарқли равишда, аёллар ўртасида чемпион аралаш схемада аниқланади. 2010 йилдан бери улар ўртасидаги жаҳон чемпионатлари нокаут тизимида ўтказиб келинмоқда.
Изоҳ (0)