Бугун, 15 март куни Шанхай ҳамкорлик ташкилоти (ШҲТ)нинг Пекиндаги қароргоҳида Ўзбекистон Республикаси Ташқи ишлар вазири Абдулазиз Комилов раислигида ШҲТга аъзо давлатлар миллий координаторлар кенгашининг йиғилиши иш бошлади. Унда ШҲТ Бош котиби Р. Алимов ва ШҲТ минтақавий аксилтеррор тузилмаси директорининг ўринбосари А. Пиров ҳам иштирок этмоқда. Бу ҳақда «Жаҳон» ахборот агентлиги маълум қилди.
18 мартга қадар давом этадиган мазкур йиғилиш иштирокчилари Шанхай ҳамкорлик ташкилотининг юбилей йили ҳисобланадиган 2016 йилга мўлжалланган иш режаси билан боғлиқ масалаларни кўриб чиқади.
Йиғилиш давомида ШҲТга аъзо давлатлар, кузатувчи давлатлар ва мулоқот бўйича шерикларнинг сиёсий, савдо-иқтисодий, маданий-гуманитар ва бошқа соҳалардаги ҳамкорлигини янада ривожлантириш масалалари муҳокама этилади.
Асосий эътибор июнь ойида Тошкентда бўлиб ўтадиган Шанхай ҳамкорлик ташкилотига аъзо давлатлар раҳбарлари кенгашининг йиғилишига тайёргарлик масаласига қаратилади.
Изоҳ (0)