ОАВ: Маккада зиёратчиларни жазирамадан ҳимоя қилиш учун улкан соябонлар ўрнатилади
Маккадаги Ҳарам масжидида зиёратчиларни жазирамадан ҳимоя қилиш мақсадида дунёдаги энг катта буклама соябонлар ўрнатилади. Бу ҳақда Saudi Gazette манбаларига таяниб, «РИА Новости» хабар бермоқда.
Фото: Muhammad Mahdi Karim«Муҳандислар яқин олти ой ичида масжидда ўрнатиш якунланадиган саккизта юқори технологияли буклама соябонлардан биринчисини ўрнатишни бошлади. Ҳар бир соябоннинг баландлиги 45 метр, оғирлиги 16 тоннадан иборат. Уларнинг гумбази катта соат, зиёратчилар учун маълумотлар акс этадиган монитор, кондиционерлар ва кузатув камераларидан иборат бўлади. Ҳар бир соябон 2400 квадрат метр майдонни ёпади. Шунингдек, бутун масжид бўйлаб 54 та кичик соябонлар ўрнатилади», — дея маълум қилади нашр.
Мазкур чоралар Саудия расмийларининг ўтган йил Мино водийсида рўй берган ва 2200 киши ўлимига сабаб бўлган тиқилинчдан сўнг хавфсизлик даражасини оширишга қаратилган қарори билан боғлиқ. Зиёратчилар адашиб қолишининг олдини олиш учун улар электрон хариталар билан таъминланиши ҳам билдирилган.
Изоҳ (0)