КХДР раҳбари Ким Чен Ин кўрсатмасига биноан шимолий кореялик мутахассислар қитъалараро баллистик ракета жанговар каллаги учлиги ҳароратга бардошлилигини синовдан ўтказди. Бу ҳақда Корея Марказий телеграф агентлиги манбаларига таяниб, «ТАСС» хабар бермоқда.
Агентликнинг билдиришича, ушбу синовлар натижасида «мамлакатда маҳаллий технологиялар асосида ишлаб чиқилган иссиқликка бардошли материаллар қитъалараро баллистик ракета жанговар каллаги орбитадан атмосферанинг зич қатламларига қайтиши ва нишонни мўлжалга олишини ишончли кафолатлаши маълум бўлди».
Ким Чен Ин синов натижаларидан қониқиш билдирган ва «КХДР фақат бир неча йирик ҳарбий давлатлар эгаллаган технологияни яратгани ва шу тариқа баллистик ракеталар ишлаб чиқаришда катта ютуққа эришгани»ни таъкидлаган.
Изоҳ (0)