АҚШ фуқаросини Подмосковьедаги Чкаловский ҳарбий аэропорти яқинида қўлга олишди, деб ёзади «Газета.ru» Россия махсус хизматларига таяниб.
Таъкидланишича, эркак ҳарбий ва махсус топшириқлар учун мўлжалланган самолётларни суратга олишга уринган.
Филмер Пол Брайан парвозларни бошқариш маркази частотасига тўғриланган радиосканердан фойдаланган ва объектда ишлатиладиган самолётларни фотосуратга олган.
«РИА Новости»нинг махсус хизматлардаги манбаси хорижий мамлакатлар вакиллари Россия ҳарбий-космик кучлари фаолияти тўғрисида ноқонуний тарзда маълумотларни қўлга киритишга уринаётгани ҳақида ахборот келиб тушаётганини маълум қилди.
Изоҳ (0)