Англия футбол ассоциацияси «Челси» ҳужумчиси Диего Коста устидан интизомий иш очди. Бу ҳақда ташкилот расмий сайти хабар бермоқда.
Ассоциация Тартиб-интизом қўмитаси Англия кубоги чорак финалидан ўрин олган ва 12 март куни бўлиб ўтган «Эвертон» — «Челси» ўйинида ҳужумчининг мухлисларга нисбатан қилган ҳаракатига изоҳ бериш учун Диего Костага 17 март, пайшанба кунига қадар муҳлат берди.
Испаниянинг Marca нашри «Эвертон» – «Челси» ўйинидаги ҳолатни ўрганиб чиқиб, Коста рақиби Гарет Баррининг бўйнидан тишлаб олган деб топди. «Ўйиндан кейин Коста буни инкор қилган, Барри рақибининг гапларини тасдиқлаган», — деб хабар берди «Chempionat.com».
Бундан ташқари, Marca нашри мазкур ҳодисадан сўнг ўз ўқувчилари ўртасида Диего Костанинг Испания терма жамоасига чақирилиши борасида сўровнома ўтказди. Сўровномада иштирок этганларнинг 82 фоизи Костанинг мамлакат бош жамоасига ташрифига қарши эканлигини билдирди.
Изоҳ (0)