Angliya futbol assotsiatsiyasi “Chelsi” hujumchisi Diyego Kosta ustidan intizomiy ish ochdi. Bu haqda tashkilot rasmiy sayti xabar bermoqda.
Assotsiatsiya Tartib-intizom qo‘mitasi Angliya kubogi chorak finalidan o‘rin olgan va 12-mart kuni bo‘lib o‘tgan “Everton” — “Chelsi” o‘yinida hujumchining muxlislarga nisbatan qilgan harakatiga izoh berish uchun Diyego Kostaga 17-mart, payshanba kuniga qadar muhlat berdi.
Ispaniyaning Marca nashri “Everton” – “Chelsi” o‘yinidagi holatni o‘rganib chiqib, Kosta raqibi Garet Barrining bo‘ynidan tishlab olgan deb topdi. “O‘yindan keyin Kosta buni inkor qilgan, Barri raqibining gaplarini tasdiqlagan”, — deb xabar berdi “Chempionat.com”.
Bundan tashqari, Marca nashri mazkur hodisadan so‘ng o‘z o‘quvchilari o‘rtasida Diyego Kostaning Ispaniya terma jamoasiga chaqirilishi borasida so‘rovnoma o‘tkazdi. So‘rovnomada ishtirok etganlarning 82 foizi Kostaning mamlakat bosh jamoasiga tashrifiga qarshi ekanligini bildirdi.
Izoh (0)