Россия Федерацияси президенти Владимир Путин Россия қўшинларини Суриядан олиб чиқишни бошлашга буйруқ берди, деб хабар беради Meduza.
Давлат раҳбарининг сўзларига кўра, у армия олдига қўйган вазифа «умумий олиб қараганда бажарилган». Путин мудофаа вазири Сергей Шойгу ва ТИВ раҳбари Сергей Лавров билан учрашув чоғида шундай фикр билдирди.
Путин қўшинларни олиб чиқиш сиёсий музокараларга стимул бўлиб хизмат қилади, деб ҳисобламоқда.
Россия Суриядаги ҳарбий операцияларда 2015 йилнинг 30 сентябридан бери иштирок этиб келмоқда. Рус самолётлари Сурия ҳукумат қўшинлари кўрсатган марраларни бомбардимон қилди. Бундан ташқари, Россия сувости кемалари ва кемалардан зарбалар берди.
Шойгунинг сўзларига кўра, операциялар давомида россиялик ҳарбийлар 2000 га яқин террорчини йўқ қилган. Syrian Observatory for Human Rights кузатувчиларининг маълумотига кўра, Россиянинг бомбардимонлари натижасида 1700 нафар тинч аҳоли вакили нобуд бўлган.
Изоҳ (0)