Таиланд пойтахти Бангкокда француз рассоми Пауло Гранжоннинг «1600 панда» номли кўргазмаси бўлиб ўтмоқда. Бу ҳақда «РИА Новости» хабар берди.
Гранжон мазкур арт-лойиҳани WWF билан биргаликда 2008 йилда дунё бўйлаб намойиш этишни бошлаганди. Ундан кўзда тутилган асосий мақсад сайёра табиати сақлаш ва асраб-авайлашга муҳтож эканлигини эслатишдан иборат.
Кўргазма шу кунгача Франция, Италия, Германия ва Жанубий Кореяда бўлишга улгурди. Рассомнинг пандалари Таиланднинг турли минтақалари бўйлаб 24 мартга қадар «саёҳат» қилади.
Уларнинг сони бежиз танланмаган, чунки ёввойи табиатда айнан шунча панда қолган. Пандалар қўлда, қайта ишланган қоғоз ёрдамида тайёрланган. Қизиғи шундаки, улардан ҳеч бири бошқасини такрорламайди.
Изоҳ (0)