Шимолий Корея етакчиси Ким Чен Ин Пхеньян ядро ўқини жанговар каллак ҳажмигача кичрайтирганини ва энди уни баллистик ракетага ўрнатила олишини маълум қилди, деб ёзади «Ведомости» КХДРнинг KCNA агентлигига таяниб.
«Ядро каллаклари кичрайтирилиш эвазига, баллистик ракеталарга ўрнатишга яроқли бўлиши учун стандартлаштирилди», — деди Ким Чен Ин. Бундай баёнот билан у ядро каллакларига эга турли тактик ва стратегик ракеталар яратиш бўйича тадқиқотлар муҳокамасига бағишланган мажлисда чиқиш қилди.
Ким Чен Ин ҳарбийларни АҚШ ва Жанубий Кореяга огоҳлантирувчи зарбалар беришга ҳамда ядро қуролидан фойдаланишга тайёр туришга чақирди. «Агар америкалик империалистлар КХДР суверенитетига ва унинг мавжуд бўлиш ҳуқуқига хавф солса, у ҳеч қандай иккиланишларсиз АҚШга огоҳлантирувчи зарбалар беради», — деди у.
Эслатиб ўтамиз, аввалроқ КХДР АҚШ ва Жанубий Корея томонидан Key Resolve ва Foal Eagle ҳарбий ўқув машғулотларининг бошланишига жавобан уларга огоҳлантирувчи ядровий зарбалар билан таҳдид қилган эди.
Изоҳ (0)