Bild газетаси Germanwings самолёти учувчиси Андреас Любицнинг ўз психиатрига йўллаган мактубини эълон қилди, деб ёзади Meduza.
Хат Любиц ҳаво кемасини тоққа йўналтириб, авиаҳалокатни келтириб чиқарганидан икки ҳафта аввалроқ жўнатилган бўлган.
Мактубда Любиц кўз текшируви натижаларини маълум қилган. Кўриш қобилиятининг ёмонлашиши сабабларини Дюссельдорфдаги университет клиникасида аниқлашга уринишган, аммо буни уддалай олишмаган.
Любиц эҳтимолий кўрлик ҳақидаги хаёллар унда ваҳима уйғотаётганидан шикоят қилган.
Germanwings учувчисига антидепрессантлар ёзиб берилган, бироқ улар уйқу билан боғлиқ муаммоларни ечишга ёрдам бермаган. Любиц хатда айтишича, миртазапиннинг дозаси оширилиши натижасида у янада кўпроқ безовталана ва уйқусизликдан азоб чека бошлаган. Баъзан, учувчининг сўзларига кўра, у умуман ухлай олмайди, бунга эришганида эса, кетма-кет икки соатдан ортиқ ухламайди.
Bild маълумотларига кўра, авиаҳалокатдан аввалги бир неча ой давомида Любиц камида 40 нафар шифокор ҳузурида бўлган. Уларнинг кўпчилиги йигит психологик хусусиятга эса муаммони бошидан кечираётганини хулоса қилган.
Эслатиб ўтамиз, 2015 йил 24 март куни Испаниянинг Барселона шаҳридан Германиянинг Дюссельдорф шаҳрига йўл олган Germanwings авиакомпаниясининг самолёти Франция жанубида ҳалокатга учраган эди. Оқибатда 150 киши ҳалок бўлди. Текширув вақтида иккинчи учувчи Андреас Любиц самолётни атайин қулатгани маълум бўлди.
Изоҳ (0)