Яманда зўравонлик ҳолатлари авж олган салкам бир йилдан бери 3 мингдан зиёд тинч аҳоли вакили қурбон бўлди. Бу ҳақда БМТ инсон ҳуқуқлари бўйича олий комиссари бошқармаси вакили Руперт Колвилл маълум қилган, дея хабар беради «РИА Новости».
«2015 йил 26 мартидан бери тинч аҳоли ўртасида 3 081 та ўлим ва 5 733 та жароҳатланиш қайд этилган. Бу рақамлар икки томондан ҳам жанговар ҳаракатларда иштирок этаётганларни ўз ичига олмайди, фақат фуқароларга тегишли», — дея таъкидлаган Колвилл.
Колвилл кейинги пайтда мамлакатда давом этаётган ихтилоф қурбонлари кескин ошгани, жумладан, февраль ойида январга нисбатан икки баробар кўпайганини билдирди.«Февралда мамлакатда 168 нафар фуқаро ҳалок бўлди, 193 киши яраланди. Мазкур ҳолатларнинг учдан икки қисми коалиция авиазарбаларига тўғри келади», — дея қўшимча қилган БМТ вакили.
Изоҳ (0)